چاند

کتێبی داستانی ژیانەوە لە ٦٩ ساڵەی لە دایک بوونی ئۆجالاندا بڵاوکرایەوە

 

ئا: گۆران پێنجوێنی

 

کتێبە دیدارێکی رۆژنامەوانیی پرۆفیسۆر یاڵچین کوچووک-ە کە چارەكە سەدەیەک(1993) بەر لە ئێستا لەگەڵ ئۆجالاندا ئەنجامیداوە.

 

کتێبەکە ئەگەر چی چاوپێکەتنێکی چارەكە سەدەیەک بەر لە ئێستایە و بۆ جاری سێیه‌م-ه‌ چاپ ده‌كریته‌وه‌، بەڵام تەرز و سەرەداوەکانی ئێستای فیکری گەشە کردووی ئۆجالانی بە روونی تێدا دەخوێنیتەوە و هەروها بەگشتیی خوێندەواران لەم کتیبەدا ئەوە دەخوێننەوە کە پارادایمی ئۆجان هەر لەو کاتەوە گەڵاڵە بووە؛ بە نموونە دەربارەی ناسیۆنالیزم و دەوڵەت کە ئەو ئەوساش ئەو تێگەشتنەی هەیە کە ناسیۆنالیزم کێشەی کورد چارەسەر ناکات و هەروەها دەوڵەتی نەتەوەییش چارەسەر نییە، بەڵکو ئەو خەونی گرینگتر و گەورەتری هەیە و بە کورتی ئەو جەخت لەوە دەکاتەوە کە بۆ مرۆڤایەتیی تێکۆشان دەکات نەک تەنها بۆ گەلی کورد.

 

هەر بۆیە ئۆجالان دەڵێت:"ئەگەر دەوڵەت سەربەخۆیشمان بداتێ، هەر لە بەجێهێنانی ئامانجەکانمانەوە دوورە. ئێمە گرێی "دەوڵەتی کوردی" و "ئۆتۆنۆمی کولتووری وئیداری " یان چارەسەری لەم چەشنەمان نییە.

ناوەڕۆکی "داستانی ژیانەوە" لە شەش بەش پێکدێت، ئۆجالان لەم پەرتووکەدا جەخت لە چێبوونی کەسەێتیی خۆی دەکات کە چۆن لە نێو ژینگەیەکی کۆمەڵایەتییدا هاتووەتە ژیانەو ە، سەرلەنوێ بونیدا نانەوەی مرۆڤی کورد، ژن، ئەدەب، هوونەر دەکات؛ هەروەها ئاماژەش بەو فاشیزمەی دەسەڵاتدارانی تورکیا دەکات. هەروەها ئەم کتێبە وەڵامیكە بۆ ئەو کەسانەی کە کەسێتی ئۆجالان و فیکری پەکەکە ناناسن. کتێبەکە شیکردنەوەی قوڵ دەربارەی کێشە کۆمەڵایەتیی و فیکریی و سیاسییەکانی گەلی کورد و کوردستان دەخاتەڕوو.

هەروەها ئۆجالان، هەڵسەنگاندن بۆ پارتی و بارزانیی دەکات کە چۆن بوونەتە هۆی ئەوەی ئەجێنداکانی فاشیزمی تورکیی جێبەجێ دەکات و رایدەگەیەنێت"لەوە دەرچووە حیزبێک بێ و بووە بەهێزێكی نیمچە سەربازی سەر بەدەوڵەتی توركیا، واتە ڕێكخستنی میلیشیای مەدەنییە و لەڕادەبەدەر گرێدراوی دەوڵەتی توركیایە.

 

ئه‌م كتێبه‌"داستانی ژیانه‌وه‌" ئێستا له‌سه‌ر جه‌م كێبخانه‌كانی باشووری كوردستان به‌رده‌سته‌.

 

بابه‌تی په‌یوه‌ندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close
%d هاوشێوەی ئەم بلۆگەرانە: