گۆشه‌ی ئازاد

رۆژه‌ڤا ل باشوور

زه‌روان توراقی

ژ لاتينى: كازم دهۆكی

 

 

پيلانا تاريا ڕێفراندۆمێ و تاكه‌ ڕێكا چاره‌سه‌ريێ

د ناڤبه‌را راست و دره‌وان دا جوداتيێن پيڤانێن ئه‌خلاقى ديار دبن. له‌وره‌ جڤاك د بنگه‌ها خوه‌ دا لسه‌ر ڤان پيڤانا هاتيه‌ دامه‌زڕاندن. ئيرۆ ل باشوورێ وه‌ڵات ڕه‌وشا گشتپڕسيێ هه‌يه‌. ڕه‌وش هاتيه‌ گۆهه‌رتن، وه‌كه‌ چيرۆكا "شۆهڕۆده‌ر" يێ فيزياناس ميناكا ڕه‌وشا وێ پشيكا د سندۆقێ دا "كا مريه‌ ئان ساخه‌" يه‌، ئه‌ڤ ڕه‌وشا ده‌ركه‌فتى ديمه‌نێ نه‌به‌رپرسياريا ڕايه‌دارانه‌. سه‌ڕه‌ڕايى هه‌موو هشيارى و ڕێنيشاندانێن ڕه‌وشه‌نبيرى و سياسه‌تزانێن كورد، ديسا ژى ڕايه‌دارێن باشوور لسه‌ر بڕياڕا خوه‌ يا هشك كۆكن.

تشتێ بالكێش و پێدڤى كو دڤيا بهێته‌ زانين، داكۆكيا لسه‌ر ڤێ مژارێ پێش كه‌فتى نه‌ بتنێ يا ڕايه‌دارێن پ.د.ك يه‌، ئه‌ڤه‌ پڕۆژه‌كه‌ كو ب ده‌ستێ كۆمه‌له‌كا ل دژى خه‌تا "شيعى" ده‌ست ب به‌رنامه‌يه‌كێ كرينه‌ كو بده‌ستێ سعودى بڕێڤه‌ دچيت.

نۆكه‌ ڕه‌وشا كو ده‌ركه‌فتى ئه‌ڤه‌يه‌. پ.د.ك و سعودى كو پيلانا وان دگه‌ل قه‌ته‌ر ئه‌شكه‌ره‌ بووى ئيدى دگه‌ل هه‌ڤدوو ب ئه‌شكه‌ره‌ كار ناكه‌ن. چونكى توركيا لبه‌ر ڕه‌وشا كوردستانێ نه‌دگه‌ل سعوديێ، لێ دگه‌ل قه‌ته‌رێ دگه‌ل لنگه‌كێ ئيرانێ جى دگرن. ئه‌ڤه‌ مژاره‌كه‌ كو كورد دڤێت ب جيدى سه‌رێ خوه‌ پێڤه‌ بێشينن. هه‌ر ژ نها دا هه‌وڵدانێن ده‌وله‌تا تورك ده‌سپێ كريه‌. دناڤا ڤێ ڕۆژه‌ڤێ دا تشتێ كو ڕاست ناهێته‌ نيقاش كرن ژى ئه‌ڤه‌يه‌ كو مژار بابه‌ته‌كێ ديرۆكيه‌. كوردا ل باشوور ڕاستيا لۆزانێ بباشى لێكۆلين نه‌كريه‌، يان ب گۆتنه‌كا ديتر، ڕاستيا كوردان يا كو د سه‌رێ سه‌دساڵا بيستان دا هاتيه‌ پارچه‌كرن، ناهێلن ژ لايێ گه‌ل ڤه‌ باش بهێته‌ ناسكرن.

چونكه‌ ره‌وش وه‌ك كو وان گۆتیه‌ كه‌سه‌ك وسا دۆستێ كوردان نینه‌. د په‌رگالا ده‌وله‌تی دا یا بنگه‌هين به‌ژه‌وه‌ندیێن كۆمپانیایێن ده‌وله‌تینه‌. ڤێ ره‌وشێ ژى ب وان دده‌نه‌ ونداكرن، ته‌نێ ڕه‌وشا كه‌ركوكێ بباشى بهێته‌ نرخاندن ئه‌و دێ هێته‌ زانين كا ژ به‌ر چ ئه‌و ده‌وله‌تێن كو لگۆرى خوه‌ دۆستێن كوردانن بۆچى دێ دوژمناتيێ دگه‌ل كوردان كه‌ن. د ڕه‌وشا نۆكه‌دا ياكو ديار دبيت، هێشتا هێزێن هه‌ژمونگه‌ر بڕيارا گۆهه‌ڕتنا په‌رگالێ بڕه‌نگه‌كه‌ بنگه‌هين نه‌دانه‌. يا كو پێدڤيه‌ ڕاست بهێته‌ خوه‌ندن ئه‌ڤه‌يه‌.

ژبۆ كوردان يا هه‌رى مه‌ترسيدار ئه‌وه‌ كو خوه‌ ب دۆستاتيا هێزێن زۆڕده‌ست ڤه‌ گرێ بده‌ن. لگۆرى به‌رژه‌وه‌نديان دكاريت تا ڕاده‌كێ ب هه‌ڤدووڕه‌ كار بهێته‌ كرن، لێ یا جه‌وهه‌رى ئەوه‌ كو نه‌چاره‌ دۆستانیا هه‌ری بنگه‌هین ته‌ڤلى گه‌لێن هه‌رێمێ بده‌ته‌ گرێدان. مژارا ڕه‌گه‌زى مژاره‌كه‌ كو پێدڤيه‌ ب هشمه‌ندانه‌ بهێته‌ چاره‌سه‌ر كرن، دگه‌ل ڤێ وه‌ك تێگه‌ها كو نها پ.د.ك ل سه‌ر بنگه‌هێ سونه‌گه‌رى و مه‌سه‌بى پێڕه‌و دكه‌ت، ژبۆ كوردان و هه‌موو گه‌لێن هه‌رێمێ ئاگرێ دۆژه‌هێ گوڕ دكه‌ت. ژخوه‌ يا كو سعودى به‌رهه‌ڤيا وێ دكه‌ت ژى ئه‌ڤه‌يه‌. يا د پشت په‌ردا دا دهێته‌ ئاماده‌كرن دياره‌ كو پڕۆژه‌يا خه‌تا سونه‌گه‌ريێ يه‌. ده‌وله‌تا تورك د چ قۆناغه‌كێ دا واز ژ ڤێ نه‌ئينا، نۆكه‌ ژى دياره‌ يا دهێته‌ مه‌ره‌ق كرن ئه‌ڤه‌يه‌. دبيت پێشبينيه‌ك وه‌ك مژارا شه‌نگال و ڕۆژئاڤا بيت. ل وێ ده‌رێ ديت كو به‌رناما ئاپۆيى وه‌كه‌ ته‌ڤنه‌كه‌ ژيانێ هاته‌ ڕستن، كو هه‌مان پڕۆژه‌يه‌ كو لگۆرى ڕه‌وشا پێدڤى يا ناڤچێ و گه‌لێن هه‌رێمێ يه‌. ئە‌م وه‌ك كه‌س و ده‌ردۆرێن كو ب فكر و ڕامانێن ئاپۆيى ژیانێ دخوینن و دژین پێدڤيه‌ هشيار بين، ده‌ستهلاتدار خوه‌ ل سه‌ر زراڤیا هه‌ستێ جڤاكێ يا ڕه‌وا ئاڤا دكه‌ن. نموونه‌ هه‌ستێ سه‌رخوه‌بوونێ وه‌ك هه‌موو نه‌ته‌وان مافێ نه‌ته‌وا كوردە. به‌س مژارا كو لێ هاتیه‌ سۆركرن نه‌ ئەو مژاره‌ كو نه‌ته‌وا كورد وه‌ك ناسنامه‌ پێ وه‌ره‌ ناسكرن. تنێ ژبۆ ده‌ستهلاته‌ك ديتر دهێته‌ پێشكێشكرن. پ.د.ك دڤێت دناڤا بازارا كو نه‌ته‌وه‌ ده‌وله‌ت لێ سه‌رده‌ستن، هه‌بوونا نه‌ته‌وا كورد وه‌ك مه‌تایه‌كێ بفرۆشيت. مژار ژلايێ ده‌ستهه‌لاتێ ڤه‌ ئەڤه‌يە.

ژبۆ كو بكاريت كالايێن خوه‌ بێخته‌ ڤێ بازارێ، حاكم يا هه‌ڤپاره‌ك بۆ وى پێدڤيه، دياره‌ ئه‌و ژى وه‌كه‌ سعودى هاتيه‌ ده‌ستنيشان كرن. ئه‌م ڤێ نه‌وه‌ك به‌لگه‌يا فيزيكى، لێ تنێ يا مه‌ هه‌لسه‌نگاندنا ل سه‌ر شێوازێ كاركرنا پ.د.ك يه‌. ئه‌وه‌ كو مه‌ به‌ر ب ڤێ نێڕينێ پاڵ دده‌ت.

ڕۆژه‌ڤا گه‌لێ كورد هاتيه‌ داگيركرن. حه‌تا كو داهاتيا گه‌لێ كورد كه‌فتيه‌ ڕه‌وشا كو بكه‌ڤيته‌ ژێر مه‌ترسيێ. ژبه‌ر چى؟ يێك ئه‌گه‌ر هه‌يه‌، ئه‌و ژى ئه‌ڤه‌يه‌؛ پ.د.ك وه‌ك ده‌ستهه‌لات دخوازيت ببيته‌ سه‌روه‌ر و ده‌ستهه‌لاتدار ل باشوورێ كوردستانێ يێ سه‌ره‌كه‌. ژبۆ كو بكاريت ڤێ هه‌ڤسه‌نگيا كو نها هه‌يى خراب بكه‌ت ئه‌و پێدڤى ب شه‌ڕه‌كێ يه‌. دزانيت كو ب ڤێ هێزا كو دده‌ستێ واندا هه‌يه‌ دكاريت وان ناڤچه‌يێن كو لژێر سه‌روه‌ريا ى.ن.ك دايه‌ ژ ده‌ستێ وان ده‌ربخيت و لسه‌ر حاكم بيت. دگه‌ل ڤێ هه‌ركه‌سێ كو به‌حسا ناڤچه‌يێن "دابڕاو" دكه‌ت هايا وى ژێ هه‌يه‌ كو ژبۆ پ.د.ك ئه‌و ناڤچه‌ ژمێژڤه‌ هاتينه‌ فرۆتن. نموونه‌ شه‌نگال تنێ يێك ژ وان نيشانانه‌. كه‌سێ كو بخوازيت ڕه‌وشا نها يا پ.د.ك و گشت پڕسيێ فێم بكه‌ت نه‌چاره‌ ل سه‌ر مژارا په‌يوه‌نديێن ب سعودى ئاگه‌هدار ببيت و تێ بگه‌هيت. يا كو حه‌تا نۆكه‌ نه‌ ڕۆهن بۆ هه‌لويستێ ده‌وله‌تا تورك بوو؛ ده‌وله‌تا تورك وه‌سا به‌راورد كربوو كو ئه‌و دێ ڕايه‌دارێن باشوور ب گه‌ف و گوڕێن ڕێفراندۆمێ ژ حكومه‌تا ناڤه‌نديا ئيراقێ هنده‌ك ده‌سكه‌فتان وه‌رگرن كو ده‌وله‌تا تورك ب ساناهيتر خوه‌ د باشوور دا بده‌ته‌ بجى كرن. ده‌مێ كو ديت ڕه‌وش به‌ر ب لايه‌كه‌ ديتر ڤه‌ دچيت ئێدى بسه‌ر خوه‌ڤه‌ هات، هه‌ر وه‌كى كو د چه‌ند داخويانيێن داوى دا ده‌ركه‌تى، كو كارڤه‌دانه‌كه‌ توند دانه‌ نيشاندان. هه‌ڤڕێ دگه‌ل پێكهاتێن له‌شكرى د پڕاتيكێ دا ل شێلادزێ ب بۆمبه‌بارانێ گه‌لێ مه‌ يێ سڤيل شه‌هيد كرن. ئه‌ڤه‌ وه‌كه‌ هشيار كرنه‌كێ بوو. ده‌وله‌تا تورك كه‌ته‌ ڕه‌وشه‌كێ كو وه‌ك ده‌ڕاسێ هه‌موو جڤين و بڕيارێ خوه‌ يێن ده‌وله‌تێ لگۆرى ڕێفراندۆمێ دانه‌ پێش. ئه‌ڤه‌ ڕه‌وشه‌كه‌ كو ڕايه‌دارێن باشوور تا نهۆ ژى نكارن حسابێ دگه‌ل بكه‌ن و ڕاستيا ده‌وله‌تا تورك ناس بكه‌ن. به‌رى ساله‌كێ بڕێز موراد قه‌ره‌يلان د ئاخڤينه‌كه‌ خوه‌ يا د بارا يێكه‌تيا گه‌لێ كورد و په‌يوه‌نديێن ب حزب و لايه‌نێن باشوور ب تايبه‌ت دگه‌ل پ.د.ك دابوو ده‌ست نيشانكرن كو "هه‌موو جيهان سه‌رخوه‌بوونا باشوورێ كوردستانێ بپه‌ژرينيت ژى ئاكه‌په‌ ناپه‌ژرينيت" ئه‌ڤ ڕاستى نها ب ئاوايه‌كه‌ پڕاتيكى ده‌ركه‌فتيه‌.

 له‌وما مه‌ چاره‌نڤيسا خوه‌ يا ڕۆژه‌ڤێ بخوه‌ هه‌لبژارت. گه‌ر مه‌ بكاريبا ژ وێ ڕۆژێ تا نها نه‌هێلابا كو ڕۆژه‌ڤا گه‌لێ مه‌ ژلايێ ڤان ده‌ستهه‌لاتێن سه‌رمايه‌ خواز و پاوانكار ڤه‌ وه‌ره‌ دزين وان يێ نه‌كاريبا ڕه‌وشا باشوور بيننه‌ ڤێ ئاستێ. يا كو پێدڤى يه‌ ئه‌م بگرينه‌ به‌ر ڕه‌خنا ل باشوور ئه‌ڤه‌يه‌. يا كو بۆ سه‌ره‌كه‌ مژارا بژيويا ژيانێ و نانى بوو. نۆكه‌ گه‌ل ب چ هاتيه‌ هلخه‌له‌تاندن؟ ب ڤێ چاندا كو "ژبه‌ر كو ده‌وله‌تا مه‌ نينه‌، نانێ مه‌ ژى نينه‌" ئه‌ڤه‌ دره‌وه‌ كو وه‌كه‌ ڕاستيه‌كێ هاته‌ ڕاسپارده‌كرن. مژارا كو د ڕه‌وشا ڤى ده‌مى دا پێدڤيه‌ بهێته‌ نيقاش كرن ئه‌ڤه‌يه‌؛ كو بزانين ئه‌نجاما گشتپڕسيێ چ دبيت بلا ببيت دێ ژ به‌ريكا گه‌ل و ژ داهاتێ وان هێته‌ دزين.

د ره‌وشێن وه‌سا ئالۆز دا پێدڤيه‌ جڤاك هشيار بيت، ژبه‌ر كو ده‌ستهه‌لاتدار دزيێت هه‌رى مه‌زن دكه‌ن، حه‌تا كو وه‌ڵاتان دفرۆشن، نها ژى يا كو دڤێن ل باشوور پێك بينن ئه‌ڤه‌يه‌. ژبۆ كو بكارن سه‌رێ نه‌ڕه‌وابوونا لۆزانێ بده‌نه‌ گرێدان، ڤان ياريان ب هه‌ڤكاريا كۆمه‌له‌ك ژ ده‌سته‌كده‌رێن خوه‌ دئيننه‌ ڕۆژه‌ڤێ. له‌ورا تا قۆناغه‌كێ مايتێكرن نه‌هاتنه‌ كرن. حه‌تا چه‌ند ڕۆژ مايين بۆ ڕێفراندۆمێ ژى دهاته‌ چاڤه‌ڕێ كرن كو فڕانسا پشتگيريێ بده‌ته‌ ڕه‌وشێ، لێ وه‌سا ده‌رنه‌چۆ. ئه‌ڤه‌ ژى بۆ مه‌ دده‌ته‌ ديار كرن كو حه‌تا ئه‌م مژارا سايكس بيكو و لۆزانێ تێ نه‌گه‌هين و حه‌تا كو ڕێبه‌ر ئاپۆ باش لێكۆلين نه‌كه‌ين و نه‌خوينين و فێم نه‌كه‌ين يا ڕاست ڕه‌وش هه‌ر دێ به‌ر ب شاشيان ڤه‌ چيت.

شه‌ڕێ كو نها ل هه‌رێمێ و جيهانێ دهێته‌ مه‌شاندن. هه‌ڤدوو جه‌ڕباندنا هێزايه‌، كا كێ دێ كاريت هه‌سپێ خوه‌ باشتر بده‌ته‌ به‌زاندن، دخوازن وێ فێم بكه‌ن. د ڤێ ناڤبه‌رێ دا هنده‌ك هێز دخوازن جهێ كۆمپانيايێن ده‌وله‌تێ فڕه‌ بكه‌ن. هندى كو ژ ده‌ستێ وان بهێت دخوازن بزانن كا دگوڕكرنا شه‌ڕى دا قازانجه‌ك هه‌يه‌ يان نه‌. نۆكه‌ ئه‌ڤه‌ بگشتى ناهێته‌ پێشبينى كرن. ڕاسته‌ شه‌ڕه‌ك هه‌يه‌ كو ڕێبه‌ر ئاپۆ ئه‌ڤه‌ وه‌كه‌ ده‌سپێكا شه‌ڕێ جيهانيێ سێيه‌م پێناسه‌ كر كو ناڤه‌ڕۆكێن وێ هه‌ركو دچيت زێده‌تر زه‌ڵال دبيت. لێ شێوازێ بڕێڤه‌برنا ڤى شه‌ڕى ب ئاوايه‌ك ديتره‌، ژ ئه‌نجاما مه‌ترسيا وێ يا مه‌زن بگشتى هه‌موو زينده‌وه‌ر دێ ژناڤ چن. گه‌ر كو ده‌ستهه‌لاتدارێن هه‌ژمونگه‌ر زانيبان ئه‌و دێ بسه‌ر كه‌ڤن، نۆكه‌ ژمێژڤه‌ ئه‌و چه‌كێ نه‌وه‌وى هاتبوون ته‌قاندن. يا كو ئه‌و ژى نكارن چاره‌سه‌ر بكه‌ن ئه‌ڤه‌يه‌. له‌وما هه‌ر هێزه‌ك دخوازيت سنورێن هه‌يى بهێنه‌ پاراستن، دخوازن شه‌ڕ بێهته‌ كۆنترۆل كرن. ژبۆ كو نه‌چار نه‌بن وێ مه‌ترسيا مه‌زنا دۆژه‌هى ئه‌نجام بده‌ن. هه‌م هێزا وان و هه‌م لاوازيا وان مرنه‌كه‌ كو نها دده‌ستێ وان دايه‌.

له‌وما ده‌مێ كو ئه‌م هزر ل ڕاستيا شه‌ڕێ ل هه‌رێما خوه‌ و مافداريا خوه‌ يا نه‌ته‌وى دكه‌ين؛ بلا ئه‌م بزانين كو ئه‌و هێزێن كو ئه‌م نۆكه‌ دكارين دگه‌ل وان هه‌تا ئاسته‌كێ به‌رژه‌وه‌نديێن گه‌ل و وه‌ڵاتێ خوه‌ پێ بپارێزين، دبيت كو سبه‌ نه‌ئه‌و هێز بن. ئه‌زموونا كۆمارا مهابادێ و يا 1975 ێ كو بسه‌ر باشوردا هاتى و ئه‌نجامێن وێ، هێشتا ژى دبيرا هنده‌ك كه‌سێن كو ل وى سه‌رده‌مى ژياين دا مانه‌. ده‌مێ كو دهێته‌ زانيين زيان به‌ر هه‌ركه‌سێ دكه‌ڤيت، ده‌ستهه‌لاتدار باجا هه‌يى لهه‌ڤ دابه‌ش دكه‌ن و هه‌سپێ خوه‌ دهاژۆن و ل مه‌يدانا شه‌ڕى دوور دكه‌ڤن. حه‌تا كو موريكێن ياريێ لسه‌ر هايدار دبن تنێ خوينا ب لاشێ وانڤه‌ گرتى دبيته‌ پارا وان. له‌وما هشياربوون، خوه‌پاراستن و دناڤا هه‌ر مه‌ترسيه‌كێ دا ڕۆژه‌ڤا خوه‌ پاراستن ئه‌ركه‌كه‌ كو پێدڤيه‌ ئه‌م بشێوه‌كه‌ ئاپۆيى ژێ هايدار بين.

گۆتنه‌كا كوردى هه‌يه‌ دبێژيت "گا مر ده‌و بريا" نۆكه‌ ناخوازن "گا" بمريت. د شه‌ڕێ جيهانى يێ 1 و 2 دا كورد و كوردستانێ دا وندا كرن. ژبۆ كو ژبۆ ده‌مێ به‌رنامه‌ و پڕۆژه‌يێن ڕۆژه‌ڤا خوه‌ نه‌بوو. له‌وما ژى پاشڤه‌ ما و ده‌ما كو "گا" نه‌مر و هاته‌ پارڤه‌كرن، هێزێن كو وى ده‌مى نوينه‌راتيا گه‌لێ كورد دكرن ديتن كو ژبۆ وان تنێ خوينا وان يا ڕژيايى مايه‌، ده‌رفه‌ت نه‌هاته‌ دان حه‌تا كورد خوينا خوه‌ ژى پاقژ بكه‌ت. ب گۆتنه‌كه‌ ديتر كوردا هێشتا شينا مريێن خوه‌ يێن وى ده‌مى ژى نه‌ڕاكرنه‌. يێكێ كو دخوازيت ڤێ ڕه‌وشێ فام بكه‌ت دكاريت بيرئانينێن "ئه‌بدولڕه‌زاق به‌درخان" بخوينيت. د ده‌سپێكا شه‌ڕێ جيهانى يێ يه‌كه‌م دا به‌هسا هێز و ڕه‌وشا كورد و په‌يوه‌نديێن وان دكه‌ت. ده‌ما ئه‌و دهێته‌ خوه‌ندن ڕه‌وشا نۆكه‌ يا هه‌رێم و كوردستانێ وه‌كه‌ خوه‌ديكه‌كێ ده‌ردكه‌ڤيته‌ پێش. يێن كو دخوازن وانه‌يان ژ ديرۆكێ وه‌رگرن نكارن وه‌كه‌ هه‌ستيارى نێزووكى ڕه‌وشێ ببن. گه‌ر كو تو نه‌كارى خوه‌ ب كنفێ خوه‌ڤه‌ بگرى، وى ده‌مى تو دبيه‌ دارده‌ستێ بيانيا.

له‌وره‌ وه‌ك كو د ده‌ما شه‌ڕێ ل ڕۆژئاڤا كو پ.د.ك خه‌نده‌ق ل دۆرا ڕۆژاڤا دكۆلان، گه‌لێ مه‌ دروشمه‌ك زۆڕ جوان دقيڕاند "كوردستان يه‌كه‌، په‌رچه‌ نه‌كه‌" ئه‌ڤ دروشم ژبۆ ڤى ده‌مى پڕ ڕه‌وايه‌. ژبۆ كو ئه‌ڤ گشتپڕسى ب ڤێ ڕه‌وشا هه‌يى پارچه‌بوونا كوردستانێ ڕه‌وا دكه‌ت، حه‌تا كو پارچه‌يا باشورێ كوردستانێ ژى پارچه‌ پارچه‌ دكه‌ت. ڕۆژه‌ڤا كو پێدڤيه‌ ئه‌م شۆپداريێ لێ بكه‌ين دياره‌ كو بێ ناڤبه‌ر دڤێت لسه‌ر ڕاستيا نه‌ته‌وا ديموكراتيك كار بكه‌ين. ئه‌ڤ پڕۆژه‌ وه‌كه‌ شه‌مالكه‌كێ يه‌ ژبۆ داهاتێ نه‌ته‌وا كورد و ته‌ڤايا گه‌لان. لسه‌ر ڤێ كار كرن وه‌كه‌ عيباده‌ته‌كا گرنگ يا سه‌رده‌مى يه‌. يا كو بكاريت به‌رگريێ ل ژيانا ئازاد بكه‌ت و بده‌ته‌ ئاڤاكرن هه‌ڤاڵتى يا دنێڤبه‌را گه‌لاندايه‌، هه‌ر هێزه‌كه‌ هه‌ژمونگه‌ر د ئه‌نجامێ دا دێ ده‌ته‌ ونداكرن. وه‌كه‌ ئيمپڕاتۆرى، فاشيست، داگيركه‌ر، تنێ يێ كو ل ته‌نشت مه‌ دمينن ديسا بهه‌مى جوانتى و به‌ده‌ويا خوه‌ و ئێش و ئازارێن خوه‌ڤه‌، گه‌لن.

به‌رنامه‌يا نه‌ته‌وا ده‌موكراتيك هيڤى و داهاتێ گه‌لانه‌.

 

 

بابه‌تی په‌یوه‌ندیدار

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close
Close
%d هاوشێوەی ئەم بلۆگەرانە: